ﻣﯿﮟ ﭘﻞ ﺩﻭ ﭘﻞ ﮐﺎ ﺷﺎﻋﺮ ﮨﻮﮞ، ﭘﻞ ﺩﻭ ﭘﻞ ﻣﺮﯼ ﮐﮩﺎﻧﯽ ﮨﮯ

ﻣﯿﮟ ﭘﻞ ﺩﻭ ﭘﻞ ﮐﺎ ﺷﺎﻋﺮ ﮨﻮﮞ، ﭘﻞ ﺩﻭ ﭘﻞ ﻣﺮﯼ ﮐﮩﺎﻧﯽ ﮨﮯ
ﭘﻞ ﺩﻭ ﭘﻞ ﻣﺮﯼ ﮨﺴﺘﯽ ﮨﮯ، ﭘﻞ ﺩﻭ ﭘﻞ ﻣﺮﯼ ﺟﻮﺍﻧﯽ ﮨﮯ

مجھ ﺳﮯ ﭘﮩﻠﮯ ﮐﺘﻨﮯ ﺷﺎﻋﺮ، ﺁﺋﮯ ﺍﻭﺭ ﺁ ﮐﺮ ﭼﻠﮯ ﮔﺌﮯ
ﮐﭽﮫ ﺁﮨﯿﮟ ﺑﮭﺮ ﮐﺮ ﻟﻮﭦ ﮔﺌﮯ، ﮐﭽﮫ ﻧﻐﻤﮯ ﮔﺎ ﮐﺮ ﭼﻠﮯ ﮔﺌﮯ

ﻭﮦ ﺑﮭﯽ ﺍﮎ ﭘﻞ ﮐﺎ ﻗﺼﮧ ﺗﮭﮯ، ﻣﯿﮟ ﺑﮭﯽ ﺍﮎ ﭘﻞ ﮐﺎ ﻗﺼﮧ ﮨﻮﮞ
ﮐﻞ ﺗﻢ ﺳﮯ ﺟﺪﺍ ﮨﻮ ﺟﺎﺅﮞ ﮔﺎ، ﮔﻮ ﺁﺝ ﺗﻤﮩﺎﺭﺍ ﺣﺼﮧ ﮨﻮﮞ

ﭘﻞ ﺩﻭ ﭘﻞ ﻣﯿﮟ ﮐﮩﮧ ﭘﺎﯾﺎ، ﺍﺗﻨﯽ ﮨﯽ ﺳﻌﺎﺩﺕ ﮐﺎﻓﯽ ﮨﮯ
ﭘﻞ ﺩﻭ ﭘﻞ ﺗﻢ ﻧﮯ مجھ ﮐﻮ ﺳﻨﺎ، ﺍﺗﻨﯽ ﮨﯽ ﻋﻨﺎﯾﺖ ﮐﺎﻓﯽ ﮨﮯ

ﮐﻞ ﺍﻭﺭ ﺁﺋﯿﮟ ﮔﮯ، ﻧﻐﻤﻮﮞ ﮐﯽ ﮐﮭﻠﺘﯽ ﮐﻠﯿﺎﮞ ﭼﻨﻨﮯ ﻭﺍﻟﮯ
مجھ ﺳﮯ ﺑﮩﺘﺮ ﮐﮩﻨﮯ ﻭﺍﻟﮯ، ﺗﻢ ﺳﮯ ﺑﮩﺘﺮ ﺳﻨﻨﮯ ﻭﺍﻟﮯ

ﮨﺮ ﻧﺴﻞ ﺍﮎ ﻓﺼﻞ ﮨﮯ ﺩﮬﺮﺗﯽ ﮐﯽ، ﺁﺝ ﺍﮔﺘﯽ ﮨﮯ ﮐﻞ ﮐﭩﺘﯽ ﮨﮯ
ﺟﯿﻮﻥ ﻭﮦ ﻣﮩﻨﮕﯽ ﻣﺪﺭﺍ ﮨﮯ، ﺟﻮ ﻗﻄﺮﮦ ﻗﻄﺮﮦ ﺑﭩﺘﯽ ﮨﮯ

ﺳﺎﮔﺮ ﺳﮯ ﺍﺑﮭﺮﯼ ﻟﮩﺮ ﮨﻮﮞ ﻣﯿﮟ، ﺳﺎﮔﺮ ﻣﯿﮟ ﭘﮭﺮ ﮐﮭﻮ ﺟﺎﺅﮞ ﮔﺎ
ﻣﭩﯽ ﮐﯽ ﺭﻭﺡ ﮐﺎ ﺳﭙﻨﺎ ﮨﻮﮞ، ﻣﭩﯽ ﻣﯿﮟ ﭘﮭﺮ ﺳﻮ ﺟﺎﺅﮞ ﮔﺎ

ﮐﻞ ﮐﻮﺋﯽ مجھ ﮐﻮ ﯾﺎﺩ ﮐﺮﮮ، ﮐﯿﻮﮞ ﮐﻮﺋﯽ مجھ ﮐﻮ ﯾﺎﺩ ﮐﺮﮮ
ﻣﺼﺮﻭﻑ ﺯﻣﺎﻧﮧ ﻣﯿﺮﮮ ﻟﺌﮯ ﮐﯿﻮﮞ ﻭﻗﺖ ﺍﭘﻨﺎ ﺑﺮﺑﺎﺩ ﮐﺮﮮ

ساحر لدھیانوی 

Visit Dar-us-Salam Publications
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.